الشاعر علاء فتحى
Admin
المساهمات : 188
تاريخ التسجيل : 01/02/2015
العمر : 49
الموقع : مصر
 |  موضوع: جدي الحاج عيد النعيمي (13 ) كلمات عبد الرازق زرد  الإثنين نوفمبر 11, 2019 10:04 am | |
| جدي الحاج عيد النعيمي
*************************
جدي كان تاجر قماش آمين
زباينة ناس محترمين
اصحاب عزب وأطيان وناس عاديين
فقرا وزمارين
وفي عز الضهر والناس مطحونين
شفنا غفرا عفية يفتحوا فلسطين
ساحبين بياعة حلاوة جاية من الترابزين
والصاج على راسها يرقص شمال ويمين
سألنا إيه الحكاية يا بني آدمين
جالوا خالفت الجوانين
خالي الصادق حلف ميت يمين
فيه مليون حرامي في البلد سارحين
يسرقوا مواشي ويفتحوا دكاكين
زعق الصادق فين الشئون
وفين الدين
واحنا في الطريق ماشيين
شفنا ابن الكناس
عظيم وبيه
قالوله شهادة ايه
دا انت في بلدنا تنداس
اياك ترفع الراس
واحد تاني من عيلة حواس
صايع تافه هلاس
ينشال ع الراس
وايده تنباس
********************************
وإلى اللقاء مع الحلقة الرابعة عشر
عبدالرازق زرد | |
|
