لو سالوكى
كلمات علاء فتحى
ولو سالوكى عن أسمى قوليلهم كان
ماهو الميت بيتقال عليه كان
والغايب بيتقال عليه كان
وكل اللى ماهوش نافع بيبقا كان
دى لهجه ميفهماش إلا عاشقى الاوطان
ولو سالوكى عن اسمى قوليلهم مرحله وعدت
امال كنا بنرسمها ومن كتر الهموم صدت
احلام ياما حلمناها قصور بنيناها واتهدت
خلاص مبقيتش فاكره اسمه ومشاعرى ناحيته اسودت
ولو سالوكى عن اسمى ومعرفتيش تجاوبيهم
قوليلهم اى شىء تافه يمكن ساعتها ترضيهم
قوليلهم اصله مصلحجى ومناخيره رافعها لفوق
وكمان اعمى وقليل الزوق ولو شتمونى هاوديهم
قوليلهم اصله غلاوى وقلبه اسود وامثاله يغورو فى داهيه تخفيهم
اقولك سر ؟ حتى لو شتمتينى بردو مش هترضيهم
عارفه ليه ؟ لانك لعبه فى ايديهم
هيستنولك الغلطه وهينسو محايلتك ليهم
ساعتها هترجعى وشايله الندم انك عرفتيهم
وهتتمنى احضانى اللى فى يوم كرهتيهم
ومش هتلاقى غير حضنى ينسيكى البلاوى اللى انتى شوفتيهم
ساعتها هتلقى احضانى دبلانه وعمايلك معلمه فيهم
ومشاعرى وقلبى بقو جثه ومعادش اى روح فيهم
ساعتها هتسالى نفسك ايه اللى حصل ليهم
ساعتها هتعرفى انك بافعالك قتلتيهم
موضوع: لو سالوكى 
الثلاثاء نوفمبر 05, 2019 9:42 pm
