امى امى للشاعر محمد الشعله

امي. ٱمي
يانبع الحنان والطيبه.
يا ٱغلى واطيب وارق حبيبه.
قصة كفاحك ومشوار نجاحك.
ديوان شعر فيه ألف قصيده
. من يوم الفرح وأول تنهيده.
فرحانه بفستان الزفاف وسعيده.
قلبك كان طاير من القرحه
. وعريسك سعيد سعاده اكيده.
في الصباحيه من الصبح صابحه.
ست الحسن من حسنك فريده
. في اوضه في بيت عيله
. أول واحده شالت الشيله.
وشهر والتاني. بدٱ الوحم
. واول جنين. سكن الرحم.
طبخ وغسيل والحمل تقيل
. وجسمك نحيل من التعب ما اترحم.
حمل ورا حمل ورا حمل ورا حمل
. وولاده ورا ولاده ورا ولاده.
بنتين وخمسه من البنين.
حمل ورضاعه وسهر سنين وسنين
. تربي وتكبري والله أكبر الله أكبر
. خمسه وخميسه من عين الحاسدين
. كبرت وكبرنا ولحد دلوقتي بتشلنا.
اصيله طول عمرها عفيفه وحره.
صابره مع جوزها على الحلوه والمره.
ولا يوم من حياتها اشتكت مره.
هو كمان من حبها مجبلهاش ضره.
وكبرت وبدل ما ترتاح زاد حملها
. ربتنا واليوم بتربي في إبن ابنها.
يارب احفظها وطولنا في عمرها.
تطلب وتتمنى واحنا تحت امرها.
ومتحرمناش يارب دايما من عطفها.
وإجعلنا دنيا وآخره تحت رجلها

» يا انت للشاعر سيد احمد
» رحمة الله عليك يا خال للشاعر وهبه السيد
» فى حب فلسطين للشاعر مصطفى شعبان مكرم الله
» محمد طه ابو الشيخ
» هجننك بقلم مشيره محمد