ياسر عبد الحميد

عاوز تعرف إيه
..............................
هتكلم و تسمعنى ...
لكن حــاسب تقاطعنى
عشان نفسى أنا أقول لك ...
كلام و فى قلبى واجعنى
عاوز تعرف
أنا ماضى مالوش معنى ...
بعيش أيام بلا معنى
حياتى قبلك كانت فاضية ...
دا بس الحب اللى جمعنا
عاوز تعرف
فى كام مرة بتألمنى ...
و حبك ليا ما مالكنى
و أكون وياك بنتكلم ...
أغمض عينى توحشنى
عاوز تعرف
و كل منايا و أنا جانبك ...
أكون ساكنة هنا فى قلبك
ولو فكرت يوم تبعد ...
هاعيش عمرى على حبك
عاوز تعرف
أنا عمرى ما أكون غير ليك ...
بشوف نفسى كمان فى عنيك
ولو فيه يوم تغيب عنى ...
بنام و أصحا أفكر فيك
عاوز تعرف
كلمات / ياسر عبد الحميد