همسة عتاب بيني وبينك

همسة عتاب بيني وبينك واسمعيها
يا خساره علي الحب اللي هان
انا كنت بحلم انك تكوني حضن الدفا ويا الوفا
واكون انا ليكي الامان
انا كنت بحلم ان يجمعنا سوا بيت من سعاده
وننسي فيه احزان زمان
انا كنت بحلم ان يجمعنا سوا بيت في الحلال
ونكمله بعشره وعيال
انا كنت راسم حلم في خيالي وانتي الوحيده اللي تكمليه
عمري ما اتصورت ان قلبي يكون لعبه في ايديكي وتضيعيه
عمري ما اتصورت ان هيجي يوم وهتبعدي وهتعندي واهون عليكي
لكن هقولك كلمه واحده واسمعيها وجوا عقلك سطريها
انتي اللي اخترتي طريقك وسكتك مع السلامه كمليها
لكن وحيات حبي ليكي لهتندمي وترجعي بدموع عنيكي
لكن خلاص قلبي اتقفل ولا عمره يوم هيحن ليكي
وخليكي فاكره انتي اللي اخترتي النهايه
ونزل الستار وانتهت بينا الحكايه
مع السلامه يا حب عمري .