(((ابن شارع))) بقلم ام محمد وهيما

(((ابن شارع)))
بقلم
ام محمد وهيما
اسمعونى
يمكن يكون قلبى نضيف
رغم انى نايم عالرصيف
يمكن اكون جعان وبس
محتاج للرغيف
يمكن اكون فيوم شريف
شايل زنب مش زنبى
بالله عليكو متظلمونى
اسمعونى
فتحت عينى لقيت ام بقسوة قلب
رميانى
جريت وسابت لحمها واصرخ ولا هي
سمعانى
شافت حياتها ولو جيت قصادها
ولا تفتكرنى وتنسانى
واب ندل نفد بجلده غلط وقال انا
مالى
والبرد ينهش جتتى
ولا حتى حيطه مدريانى
والجوع بياكل معدتى
ولا حتى لقمه سندانى
يمكن لو سمعتو قصتى
تعزرونى
اسمعونى
كنت بحلم زى غيرى
امسك كراستى وكتابى
وام ترعى واب يصرف
وهدومى شيلاها دولابى
ولما احزن ولا افرح
الاقى حوليا احبابى
ولما اعيا الاقى امى
تخففلى الامى
اتاري الدنيا اسيه عليا
ومش عارف ليه مخصمانى
لسه بردو بنظرات عنيكم
هتحرقونى
اسمعونى
شلت حمل نفسى وانا عودى طرى
والزمن سرق احلامى منى وجرى
ولا حبيت زى الشباب
وشعرى قبل اوانه شاب
ولاحد ابدا ليه سامع
ماانا اصلى ابن شارع
وبتقولو عليا مفترى
هموت فشارع زى الكلاب
وتنتهى قصتى
لو مش باديكم هتساعدونى
يبقى فحالى الله يخليكو سبونى
وبلاش بشوك كلامكم
تجرحونى
اسمعونى

» هجننك بقلم مشيره محمد
» يا ريتك بقلم الشاعر محمد شعله
» قصه بنت ... بقلم سيد احمد
» يابن غزه .. بقلم سيد احمد
» لو كان لي >>>>>>>>>>> بقلم معاذ الوديدي